الاثنين، 25 نوفمبر، 2013

عائلة سعيدة جدا





-شفت ياحج اللى ابنك عامله؟
*خير ياحيلتها اشجينى
-والله لولا خوفى عليه وعليك وعلى الست الغلبانة اللى قاعدة دى مانا قايل حاجة..انت عارف الفتنة اشد م القتل 
*ممممممم
-الراجل الكبير اللى عنده عيال سايبهم ورايح يجرى ف المظاهرات 
*مظاهرات؟!..احنا وش مظاهرات؟!
-اه والله ياحج ياما قلتله ..لاء وايه عاملى زعيم وثورجى وبيتقدم الصفوف وهو عارف ان الجيش والداخلية واخدين اوامر يضربوا ف المليتان
*يابن الكلب!
-هنعمل ايه ف المصيبة دى ياحج؟
*لاء لازم نتصرف ..هاتهولى ع التليفون الواد ده

الحج:مساء الخير ..مساء الخير ياسى عرابى باشا..مساء الخير ياخويا..ايه اللى انت بتهببه ده؟
الثورجى:خير ياحج لا سمح الله!
الحج:بيقولوا انك هتودينا ف داهية وبتشتم جناب السيسى
الحجة:يالهووووووووووووووووووووووووووووووووووووووووووى
الثورجى:لا والله ماحصل ..انا باشتم الاخوان ياحج
الحجة:يالهووووووووووووووووووووووووووووووووووووووووووى
الحج:نهار ابو اسود..اذا كان الظباط اللى معاهم حراسة بيتضربوا بالنار ..هتفلت من ايديهم انت؟
الحجة:يالهوووووووووووووووووووووووووووووووووووووووووى
الثورجى:ايه جو الاكشن والاثارة ده ياحج..ماوصلتش لكده يعنى
الحج:اسال اخوك الصغير اللى مورينى صورك وانت عامللى فيها سعد زغلول .زدانت فضيحتك بقت بجلاجل ياكلب يابن الكلب
الثورجى:اه..اخويا الصغير..الشيوعى؟
الحجة:يالهوووووووووووووووووووووووووووووووووووووووووى
الحج:اخرس ..طول عمرك بتحقد عليه عشان مستقيم وناجح مش شبهك فاشل..يافاشل
الثورجى:مش مصدقنى؟!..طبعا ماانا ابن البطة السودة
الحجة:ككككككككككككككككككككككككككككككككك
الحج:الواد م الشغل للبيت وم البيت للشغل ..ماشفناش منه حاجة وحشة؟
الثورجى:ماهى دى المصيبة ..ماشفناااااااااااااش..اخر مرة شوفته بيصلى امتى ياحج؟
الحج:بيصلى فى الشغل اكيد
الثورجى:اممم؟...بيصلى الخمس صلوات فى الشغل؟
الحجة:نحن غرابة عه عه عه يالهووووووووووووووووووووووووووووووووووووووووى
الثورجى:الواده ماعادش منه امان فى البيت ياحج ..ده بيال العيال الصغيرة ..ايوالنعمة الشوعيين بيمارسوا طقوسهم فى الحمام الساعة 12 بالليل ..طب عمرك جيت تدخل الحمام فى الوقت ده ولقيته فاضى؟
الحج:الكدب خيبة يابنى ..هو بيجى م الشغل يقعد فى الحمام لتانى يوم!
الثورجى:اااااااااااااه ..ظهر الحق ظهر الحق ..إلحق بقى سرب العيال الصغيرة اللى فى البيت على امهاتهم عشان تلاقيه جعان دللوقتى وبيدور على حد ياكله

يختفى العيل الشيوعى فى صمت دون أن يلاحظ أحد فتصرخ الحجة يالهووووووووووووووووووووووووووووووووووووووووووووووووووووووووووى

ليست هناك تعليقات: