الثلاثاء، 14 يناير، 2014

مع الحريم..ذلك أفضل جدا



1
أنا مش ندل يامروة
وحق زيوس أنا مش ندل
د حتى اصحابى بيسمونى الصديق الصدوق
دانا وقفت جنب طوب الارض فى ازماتهم
ام سعيد لما كانت بتولد انا اللى سخنتلها المية
ندى بنت ام سعيد لما كانت زعلانة على امها خدتها بالحضن عشان تهدى وتستكين
ابو سعيد لما راح العراق كنت واقف فى ضهره
يامروة كفاية ان ام سعيد جابت سعيد وابو سعيد فى العراق اصلا
خايفة اكمنى بلغت عن اخويا؟
اخويا اخوان يامروة اخوان
عارفة يعنى ايه اخوان؟
يعنى غتت
كان لازم ابلغ عنه عشان اخد الأوضة لوحدى
افهمينى يامروة
انت معايا فى امن وامان
خلى حد كده فى المنطقة يقربلك
2
أحيانا بتبقى الأغنية حلوة لدرجة إننا نستخسر نغنيها لمزة من الموز

شوف كده دى

 فايت ولا همه -ولا همه-يرن خلخاله-يرن خلخاله-وجريت ورا عمه-ورا عمه-وبوست إيد خاله

ودى

بصراحة هواك\عدى الشباك\ودخلى لحدى ف أوضة النوم\وأما اتخضيت\منه اتغطيت\جانى ف الاحلام يعاتبنى بلوم

ودى

لو تعلمين بما أجنُّ من الهوى ،  لعَذَرتِ، أو لظلمتِ إن لم تَعذرِي
واللهِ، ما للقلب، من علمٍ بها،  غيرُ الظنونِ وغيرُ قولِ المخبرِ
لا تحسبي أني هجرتكِ طائعاً  حَدَثٌ، لَعَمْرُكِ، رائعٌ أن تُهجري

ودى

سل فينا اللحظ هنديا/ وروانا اللفظ سحريا/ يا رعاه الله من ظبي/ حاملا في الروض أغنية/ لاح غصن البان إذ غنى/ ناشر الألحان عطريا/ حسنه قد فاق يوسفه/ ندّه قد فاح مسكيا"

ودى

ما بالُ العاذِلِ يَفتح لي  بابَ السُّلْوانِ وأُوصِدُه؟
ويقول : تكاد تجنُّ به  فأَقول: وأُوشِكُ أَعْبُده
مَوْلايَ ورُوحِي في يَدِه  قد ضَيَّعها سَلِمتْ يَدُه
ناقوسُ القلبِ يدقُّ لهُ  وحنايا الأَضْلُعِ مَعْبَدُه

غالبا الأغنية بتبقى أحلى من الحبيب

4

كيف تصبح مز فى 24 ساعة بدون معلم:
1-اقتل ابوك عشان تورث
2-اقتل امك عشان تورث
3-اقتل خالك عشان تورث
4-اقتل عمك عشان تورث
5-اقتل جدك عشان تورث
6-اقتل جدت عشان تورث
7-اتمنظر بالفلوس دى كلها على اى بنت تلاقيها طبت علطول..كلهم بيجروا ورا الفلوس
8-لما البنت تطب اقلبها وشوف غيرها وهكذا دواليك دواليك
أمال يعنى انت كنت رايح تقتل كل دول عشان تيجى واحدة تلطش الفلوس اللى تعبت فيها ع الجاهز؟

5
-إيه اللى ف إيدك ده يا مروة؟
*دى أنا كارنينا
-وأنا محمد ..ها ها ها
انت عيل هلس ومهزار بس مش اى هلس واى هزار ..دى انا كارنينا وده تولستوى وده الادب الروسى ..مروة سكتت وبلعتها عشان مفيش عرسان وعشان انت عيل ندل ومعلقها ومديها امل رغم ان دماغك فاضية ومش بتفكر ف جواز
لما تشوفها تانى حاول تمسك نفسك وتعمل جد ولو مرة واحدة
الهزار فيه سم قاتل
حاول تقاوم رغباتك المجنونة ومتعملش زى محمد
محمد الله يمسيه بالخير كان حلوانى وجاتله زبونة زهقته فى عيشته عشان علبة شيكولاتة
-بكام دى؟
*بتسعين
-لا لا حلوة بتمانين
*والله مانا كاسفك ..ماشى تمانين تمانين
-لا لا هى متسواش اكتر من سبعين
*والله تخسر بس ماشى نكرمك فيها
-مش مرتاحة لأسعاركو دى ..مش هاخدها غير ب50
*على حسابنا خالص ياستى والله
معروف عن محمد ان خلقه ضيق ومابيصبرش بس اللى خلاه يطول باله  مع الزبونة ايه؟
قفاها كان باين
مفيش داعى لسرد عقدة محمد مع الجزء ده بالذات من الجسم
ربنا امر بالستر
الست لاحظت ان انفاسه اضطربت وابتدى يعمل حركات غريبة ويرقب منها
يقرب ويخبى ايده ورا ضهره
يقرب ويحاول يغافل المجتمع ووالناس ويضرب بالاخلاق والقيم والتقاليد عرض الحائط
يقرب وينسلخ من انسانيته ويتجرد من مرؤته تماما
يقرب والضحية الغلبانة مش مخوناه
يقرب يقرب ويقوم رازعها كف على قفاها وطالع جرى
حاول تبقى جد شوية
مروة مش قادرة تنسى تريقتك على نيتشه:طفل مسكين التعليم الحكومى عقده ف عيشته
اتعظ من مصير غيرك
رامى
رمى كان نسخة منك وف يوم قرر يزود العيار حبتين فقبل دعوة مروة على الغدا
دخل الصالون ومدد على الكنبة يستنى الغدا
من حظه الاسود ان طنط هدى خالة مروة كانت معزومة برضه ف نفس المعاد
دخلت طنط مروة من غير ماتاخد بالها قعدت فوق رامى
رامى مكنش عنده اى امل للنجاة
تخيل انت نفسك محشور بين اشياء طنط هدى
الهزار أخرته وحشة

6
الثائر الحق هو اللى ماطلعش بايده فاضيه من المظاهرات دى كلها
اقل حاجة معاه دللوقتى خمس ست موزز
7
بالنسبالى أنا مواطن موزمبيقى
الدستور المصرى مش هيفرق معايا حاجة
كده كده ضايع
يبقى ام الدستور على ام لجنة الخمسين على ام السيسى
*طب السيسى ماله؟
-اصلى عايز اجيب رجل واحدة اخوانية ف علاقة فلازم اقدم عربون محبة

8
الأسطورة بتقول ان محمد عمل لايك لصورة دعاء وماعملش لصورة منة رغم انهم نزلوا ع الهوم فى وقت واحد
سحر بنت خاله خدت بالها من الحكاية دى فنقلت "منظمة حول للأخبار العائلية" الموضوع لامهمحمد:محمد شكله لقى بنت الحلال
بدأت حملة التحريات عن دعاء
حسين اخو محمد لقى دعاء عاملة لايك لصفحة نظرية التطور قام صرخ:البت طلعت ملحدة ..الحقوا ابنكوا هيروح من ايديكو
العيلة كلها اتجمعت ساعة ادان الفجر فوق دماغ محمد عشان يتأكدوا ان دعاء ماأثرتش عليه
امه برفق وحنان:قوم ياحبيبى صلى الفجر
ابوه:قوم يابن الكلب صلى
حسين:قوم يا كافر لى خلينى اعرف أنام ع السرير شوية لوحدى

قرروا يستعينوا بصديق ...كلموا طارق صاحبه عشان يعرفوا اذا كان حصله تغييرات معينة فى الفترة الأخيرة..
طارق:والله محمد أرجل واحد صاحبته فى حياتى كلها بس هو فيه عيب واحد..نسوانجى شوية بس
ومن جهة الادب والأخلاق فهو زى الكتاب مابيقول ..ولد ولد صحيح بس فيه حتة صغيرة لو يبطلها يبقى مثالى مثالى مثالى,بيشرب سجاير محشية حاجات غريبة
اما بقى عن الدين فحدث ولا حرج ده هو ده الشيخ بتاعنا ..العلامة اللى بنستفتيه فى امور ديننا ودنيانا بس انا ملاحظ فى الفترة الأخيرة كده نبرة تهكم وسخرية على الإسلام

خطبة الجمعة:
ياميت خسارة على اناس ليس لهم من اسمائهم نصيبا
تلاقى البت اسمها هدى وهى ضلال مبين تعادل فى فسادها وافسادها الف شيطان وشيطان
وتلاقى الواد اسمه محمد وداير ليل نهار يتريق على الصحابة ..بيتريق على الجيل الفريد ..الكافر الزنديق اللى كنت عايز اجوزه بنتى ..مش هاقول على اسمه عشان انا عارف الغيرة والحمية على الاسلام ممكن تخليكوا تروحوا تجيبوه من قفاه هنا..بس انتو عارفينه ..كلكوا عارفينه وهو نايم وسامعنى ابن الكلب

تحت العمارة

انزل ياكافر..انزل ياكافر
انزل يا كافر..انزل ياكافر

حسين:قوم يابنى لازم تحيى الجمهور ..يااخى قوم..طب شاورلهم من الشباك بس..يااخى عيب مايصحش

1:هو صحيح نيتشه قال ان الاله مات يازنديق؟
2:طب انت مش شايف ان لو الانسان اصله قرد ده يبقى تشويه للرسل والانبياء؟
3:يعنى انت ابو صرف عليك عشان تلحد ؟
4:خليك ماشى ورا شوية المعاتيه بتوعك
5:طب كنت انزل صلى الجمعة يمكن ربنا يهديك

النهاية :شاشة مقسومة نصين
النص الاول فيه محمد بيحاول يقفل الشباك ويسد ودانه
النص التانى فيه حسين وسحر استغلوا الدوشة وهاريين بعض بوس وحاجات تانية ورا باب مقفول
9
بص ياسيدى
كنت بتحبها حب جنونى بس بعد تلاتين ستة اكتشفت انها اخوان وبترفع اشارة رابعة
بسيطة ..اعتبر نفسك فى مهمة انقاذ يااخى
فرجها على فيلم perfume
بعد الفيلم اعمل نفسك بتشمها ..شم بمزاج..حتة حتة ..دماغها هيروح لبعيد وهتتسرع ..استغل رعبها ..اعمل معاها صفقة فى اللحظة دى ..خليها تبطل اخوان مقابل ان تبطل تاكل بنى أدمين
الفيلم ماجابش نتيجة ودماغها جزمة؟
سمعها سناء موسى ..هى من نفسها هتحس انها فردة صندل وانك اعمى عشان سيبت سناء وبصيتلها فتتعدل وتعود لسيرتها الاولى
طلع جلدها تخين زى مرسى و سناء طلعت اوت؟
امرك لله ..انزل بعزة الجرف
10
البنت اللى تقولك عايزة غزل البنات وتجيبلها
وتقولك عايزة ورد وتجيبلها
وتقولك عايزة سوشى ياكبير وتجيبلها
وتقولك خد أجازة من الشغل وفسحنى وتسمع كلامها
وتقولك لازم تتفرج على المسلسل التركى عشان تعيش معاها الحالة وتتفرج
وتقولك ماتشتمش النادى الأهلى قدامى عشان انا اهلاوية متعصبة وتبطل تشتمه
وتقولك لازم تعمل شعرك ف الخلاط وتعمله
وتقولك لازم تسمع عمر دياب بعد ربنا ماتاب عليك وتسعه

البنت دى لو قلتلها هاتى بوسة ومرضتش بالقلم على بوزها عدل
11
فتيات أحلامى:
-نيللى
-سناء موسى
-ريما خشيش
-أميمة خليل
-ماجدة الرومى
-عفاف راضى
-أمل مرقص
-مى نصر
-سناء جميل
-كاميليا"قمر 14"

بس كده
طماع انا ولا حاجة؟
12
الثبات على المبدأ والعقيدة أهم من أى حاجة
عدا الموزز طبعا
يعنى بغض النظر عن تكوينك الأيدلوجى لو لقيت بنت كاتبة دعاء هتقولها ايه؟
تقبل الله
اللهم قو إيمانك
بركاتك ياسيدة
طب لو لقيت بنت ملحدة مترجمة مقال او كاتبة حاجة عن التطور تقول ايه؟
حفظتك الطبيعة
ياريت البقر يفهموا بقى
معا لنهدم الدين "آخر قلاع الجهل" على الكوكب


ليست هناك تعليقات: