الاثنين، 6 يناير، 2014

ستة واحد



تانى يوم ماتش 6-1
صاحبى الأهلاوى ماقدرش يصبر وجه وقف تحت البيت ينده عليا
-يامحمااااااااااااااااااااد
وأنا عامل من بنها
أمى تقوللى صاحبك بينده عليك وأنا أقول سيبك منه شويو ويزهق ويمشى
يامحماااااااااااااااااااااااااااااااااد"بحرقة"
أبويت يقوللى قوم شوف صاحبك أقوله طنش ده عيل ابن كلبعايز يبوظ أخلاقى وأنا راجل ماشى بشرفى
يامحماااااااااااااااااااااااااااااااااااااااااااد"الواد ياعينى كان بيحزء فى نفسه أوى كأنه عايز يسمع البلد كلها"
فى النهاية لم يكن هناك مفر وطلعت له من البلكونة أرد عليه
*أيوه ياعم ..عايز ايه؟
-يامحماااااااااااااااااااااااااااااااااااااااااد؟
*لا حول ولاقوة إلا بالله!..أهلاوى وأعمى كمان؟!..أنا قدامك أهوه بتنده ليه؟
-يامحماااااااااااااااااااااااااااااااااااااااااااااااااااااااااد
*تصدق أنا غلطان انى طلعت أد عليك؟..أحنا مش متخاصمين ياله؟
-لا ياعم "آي المنافق ثلاث ..وإذا خاصم فجر" وأنا صالحتك 
*أنا بقى منافق وفاجر..غور من هنا يابن الكلب
دخت وقفلت الباب
-يامحماااااااااااااااااااااااااااااااااااااااااااد
أبويا أعصابه باظت من النداء المتكرر وزعقلى عشان أقوم أخرج له
-ياحج ماينفعش
_قوم يابن الكب اخرج له
-ياحج عيب كده ,ماتشتمش عشان أخلاقى
_قوم يابن ......
-ياحج الواده غرضه مش شريف؟
_نعم ياروح أمك؟
-والله زمبؤلك كده..أصل أنا معوره وهو عايز ياخد بتاره
لم يجد الحج بد من العنف,شالنى ورمانى بره وقفل الباب
-إنت عايز ايه يابنى؟..مش كفاية معورك ومعلم عليك؟
*مش مهم ضرب الحبيب زى أكل الزبيب
كان بيتكلم ومبتسم ومستعد يغفر كل حاجة ليظفر بى فى ذلك اليوم
للأهلاوى ضحكة مميزة بعد مايكسبوا خصوصا فى مواجهة الزمالك
الأهلاوى حريص جدا إنهيصطاد صاحبه الزملكاوى بعد الماتشات
الأهلاوى بيتمنى الماتش يخلص بسرعة عشان يروح يحط على صاحبه الزملكاوى
الزملكاوى مابيعرفش يتفلفص بعد الماتش لان الاهلاوى نتن وهيدخل يجيبه من قلب بيته حتى لو كان نايم مع مراته

ليست هناك تعليقات: