السبت، 22 فبراير، 2014

مهرى سورة الكهف !



على باب بيت رجل متدين

أحدهم:السلام على من اتبع الهدى
المتدين:وعليكم السلام ورحمة الله وبركاته
أحدهم:كيف حالك يا أخى؟
المتدين:والله بخير بعد ماشفتك كده,الحمد لله,شوف يا أخى كيف أضاء وجهك بعدما واظبت على الصلاة وقراءة القرآن؟!
أحدهم:فضلُ من الله ونعمة
المتدين:بارك الله فيك
-لحد دللوقتى ماقالوش اتفضل ولا تعش بشاااااااااااى -
أحدهم:وفيك وفى المسلمين جميعا يا أخى,اللهم بارك فى المسلمين واشف مرضاهم واكشف عنهم الغم والهم والحزن
المتدين:وما هذا؟..سواك؟..بسم الله ماشاء الله ..فرض وسنة كمان؟..الله ينور الله ينور
أحدهم:القرآن والسنة لم يفوتا كبيرة ولا صغيرة إلا فحصاها ومحصاها حتى غسيل الأسنان ونظافة الفم..تصور إن هذا السواك الصغير قد عالج التهاب اللثة الذى عجز عن علاجه الأطباء بعلومهم وفنونهم؟..مش كده وبس ده عالج آلام المعدة وشفانى بعون الله وقوته من القرحة نهائيا وأمدنى بطاقة غريبة وطلعلى شعرى بعد ما اصلعيت

يطل كائن ما من النافذة ملفوف بالأسود نكتشف بعد قليل من صوته جنسه..امرأة!

المرأة:جبت العشا يابو سفيان؟
المتدين:ادخلى جوه ادخلى جوه
المرأة:ياخويا الواد سفيان جعان..روح هات الأكل لأحسن يفضحنا
المتدين:حاضر بس ادخلى جوه
المرأة: ماتنساش المكرونة زى امبارح
المتدين"بعصبية:حاضر
المرأة:واللانشون..ماترجعش من غير لانشون
المتدين:حاااااااااااااضر
المرأة:والبييييييض
المتدين:باض عليكى تنين يابعيدة وريحنى من خلقتك
المرأة:بتقول ايه ياراجل انت؟
المتدين:بقول بيض الله وجهك ..آميين
المرأة:باحسب..وهاتلى كان خمسة كيلو بطاطس عشان عايزة اعمل سندوتشات,وماتنساش الفول والطعمية والمخلل والمسقعة..هات بخمسة جنيه مسقعة جاهزة وهات خمسة كيلو بتنجان وشوفلى كرومباية حلوة كده عند الخضرى ويايت اتنين كيلو بسبوسة ودستتين جاتوه عشان نحبس


المتدين"لاهثا":هااااااه كنا بنقول إيه يا أخى؟
أحدهم:والله كنت عايز أفاتحك فى موضوع كده بس فى غاية الحرج منك
المتدين:لا يا رجل حرج إيه بس ظززده إحنا إخوة متحابين فى الله ومثل المؤمن للمؤمن كالبنيان المرصوص..قول قول وافتح صدرك يا أخى فول
أحدهم:عايزأكمل نص دينى بقى
المتدين:يا أخى بلاش جاهلية ..الرسول بيقول من استطاع منكم الباءة فليتزوج..نقوم احنا نستبدل كلام خير المرسلين بتعبيرات جاهلية زى دى؟
أحدهم:طيب ما تزعلش..الباءة بتاعتى جاهزة وكله تمام مش فاضل غير موافقتك
المتدين :نعم؟
أحدهم:بقولك جهزت الباءة بتاعتى ونويت إن شاء الله أن أتزوج أختك الصغيرة
المتدين:آه..والباءة بتاعتك دى بقى عبارة عن إيه؟
أحدهم:مش إنتو بتشتروا راجل؟
المتدين:منيييييييييين ياحبيبى منين والله عيالى بقى لهم شهر بيناموا من غير عشا
أحدهم:ياراجل ياضلالى!
المتدين:احترم نفسك با أخى
أحدهم:أنا هقدملها المهر قرآن
المتدين "أُسقط فى يده":...........................
أحدهم:سورة الكهف إن شاء المولى عز وجل
المتدين:عايز تتجوز أختى بسورة الكهف؟
أحدهم:أيوه .زإذا جاءكم من ترضون دينه فزوجوه
المتدين:وإنت مين قالك إننا نرضى دينك؟
أحدهم:كفاية وشى المنور ..شوف كده
المتدين"مناديا على زوجته":يا أم سفيان يا أم سفيان
المرأة:نعم يا مدهول
المتدين:مش عايزة لحمة راس؟
المرأة:هات ياخويا هات
المتدين:طيب ناولينى سكينة حلوة كده
يجز رأس "أحدهم" ثم يتجشأ ويصرخ بعباة تترد أصداؤها فى الشارع حتى الآن
:أوقف السن يا حزقيل هاهاهاهاهاها

هناك تعليق واحد: