الاثنين، 24 فبراير، 2014

تنمية بشرية

1
-سلامو عليكم
*وعليكم السلام ورحمة الله وبركاته..أهلا بك ,مع حضرتك يافندم المركز ....للتدريب
-تشرفنا..والله كنت عايز أبدأ معاكو icdl بس ياريت فى ميعاد قريب
*حضرتك تشرفنا يافندم فى أقرب فرصة تحجز  icdl و تنمية بشرية
-مش عايز تنمية بشرية أنا عايز icdl بس
*يافندم دى فرصة كبيرة مش هتتعوض تانى ..الدكتور عبدالسلام بنفسه هيحاضر
-طيب شكرا
2
-سلامو عليكم
*وعليكم السلام ورحمة الله وبركاته..أهلا بك ,مع حضرتك يافندم المركز ....للتدريب
-بالنسبة لدبلومة الإرشاد التربوى اللى حجزتها معاكو هتبتدى إمتى؟
*والله يافندم لسه بنجمع الناس وبنتفق مع الدكتور اللى هتاخدوها معاه
-طيب ياريت أعرف المواعيد قبلها بفترة بس عشان أقدر أجهز نفسى وأشوف شغلى برضه
*تحت أمرك يافندم..هو بس الدكتور يخلص كورس التنمية البشرية اللى بيديه جنبنا ونشوف المواعيد مع بعض
-حضرتك تنمية بشرية إيه؟!..أنا حاجز إرشاد تربوى
*ماهو الدكتور جمعة بيحاضر تنميسة وإرشاد
-طيب شكرا
3
-سلامو عليكم
*وعليكم السلام ورحمة الله وبركاته..أهلا بك ,مع حضرتك يافندم المركز ....للتدريب
-هو أنا ممكن ألغى الحجز بتاع كورس الألمانى وآخد فلوسى تانى؟
*ليه كده يافندم..إحنا زعلناك فى حاجة؟
-لا أبدا بس حاسس إنى مش مستريح للمحاضر ومش هاقدر افهم منه حاجة
*ليه يافندم ده الدكتور عرفات زى الفل بشهادة الجميع
-ما أنا عارف ياستى أنا اللى ابن كلب..ممكن أسترد فلوسى
*للأسف يافندم طالما الكورس بدأ خلاص مابقاش ينفع..تاخد بيهم تنمية بشرية؟
-اقفلى السكة يابنت الجزمة
4
-سلامو عليكو
*مطاعم .....مع حضرتك يافندم ..أؤمر
-ممكن كيلو كباب وكفتة ؟
*م العين دى قبل العين دى يافندم
-تشكر يا ذوق
*طيب حضرتك عاوز التنمية البشرية جوه ولا بره؟
5
مواطن مصرى يجرى فى الشوارع عاريا كما ولدته أمه .

ليست هناك تعليقات: