السبت، 5 أبريل 2014

فات كام يوم؟

-فات كام يوم؟
-فات كام شهر؟
-جايلك نوم؟

وايه الداعى؟
الطع ايدك وش وضهر
لما بأضيق بالعجز ياصاحبى
بانام م القهر

-ايه أخبار المعتقلين؟

بس كفاية
بطل نبش
إنت حديد؟
مابتتعبش؟
فاكرفاكر
صاحبى وصاحبك
أهلى وأهلك
الصوت بيفرتك فى دماغى
وبيندهلى وبيندهلك
الجرح المفتوح للملح
لسه ماطابش
عارف إن هناك مساجين
بس السجن شملنا معاهم
والمجنون القادر يهرب
وما بيهربش

ليست هناك تعليقات: