الأحد، 27 يوليو، 2014

لباس المرأة

ماعنديش مانع البنت تلبس اللى هى عايزاه ومش من حقى أصلا أبى وصى عليها فى ده أو فى غيره
ولا عندى مانع ترقص فى الشارع
وعندى مانع تمارس الجنس وقت ماهى عايزة ..هى حرة فى نفسها وأنا مالى أصلا؟!
بس الغباوة بتتعبنى وبتحرق أعصابى.
ماتحاولوش تحاربوا حاجة زى التحرش بره إطارها الصحيح اللى مفيش غيره ممكن يجيب نتيجة..مستحيل تفصلوا حاجة زى التحرش بعيد عن أمراض المجتمع وتتوقعوا نتيجة كويسة.
إنتوا كده عاملين زى العيل البضين ابن البضينة اللى ماسك جيتار ورايح واقف جنب الباعة الجائلين وأطفال الشوارع والسريحة اللى باليومية اللى طفحانين الدم عشان عشرة جنيه وفاكر نفسه معالج روحانى!

لاء ياروح أمك يامتدلع إنت مش معالج روحانى ..إنت حمار وبيضة تنين كمان.
كفاية بضان بقى ..أحا ياجدع!

لو فعلا عايزة تمشى فى الشارع براحتك وترقصى وتعملى اللى فى نفسك ادفعى إنتِ وزمايلك الآنسات المحترمات فى طريق العدالة الاجتماعية اللى هيكفل للمصريين كلهم سكن وتعليم وغذاء آمن ..هتلاقيه قفز لواحده من السلوك الحيوانى للسلوك الأرقى اللى هيخليكى تبقى فى أمان وسط الشارع .

وإنت ياعم الفنان يابتاع الموسيقى للجميع بدل ما تبضن عليه بجيتارك خلى عندك ضمير مرة واختار تناضل معاه عشان يلاقى ياكل ولعلمك الفقرا دايمالهم موسيقاهم وأغانيهم وفنونهم الخاصة المبهرة اللى هى مكون رئيس فى ثقاف أى شعب ومش مستنيين منك تيجى تبضنهم.

أختى المزة..أنا مستعد أحبك وأدافع عنك وإنت جاهلة ومريضة وفقير وفيكى العبر بس مش هعبر أمك لو شفت إنك فاكرة نفسك أحسن من الطفل اللى بيقولك حاجة لله يا أبلة أو إنك ملاك وسط المجتمع المريض ده اللى مش راضى يسيبك ترقصى فى الشارع براحتك.

ماتنسيش إنك رافد رئيسى من روافد الجهل والتخلف اللى بتصب فى عقولنا منذ الصغر وماتنسيش إنك متخلفة بحكم إنك عايشة فى مجتمع متخلف -ماانتيش عالمة ذرة يعنى واحنا ولاد كلب!-وكفاية لا مؤاخذة منظرك وذوقك فى اللبس والماكياج اللى يقرف الكلاب وعلى الرغم من كونك جميلة إلا إنك بتعملى حاجات غريبة بتخليكى مسخ مقزز.


إحنا فى سفينة واحدة واللى مفهمك إنك هتاخدى حقوقك لوحدك بمعزل عن حقوق المجتمع ككل غلطان وإنت غلطانة ,إنت جزء مننا وإحنا عارفين إننا فى مؤخرة العالم وإننا مضروبين بالبُلغ القديمة وماينفعش حد مننا ينفصل عن المجموع وإلا هيبقى شكله وحش .

لك مطلق الحرية وأنا شخصيا أدعم ذلك ولكن فى حرية فى إطار عادل ومن تحت لفوق وحرية عن عمل واجتهاد ومحاولات دؤوبة للتقدم على الأرض-تقدمك إنت وتقدم اللى حواليكى فى الشارع وفى البيت وفى المدرسة- وثقى تمام الثقة إنك هتبقى أحلى وإنت معتصمة ببلدك وبتشتغلى فى سبيل نفسك وفى سبيل الآخرين.

الإنسانية أكبر من النسوية.
الإنسانية أكبر من النسوية.
الإنسانية أكبر من النسوية.
الإنسانية أكبر من النسوية.
الإنسانية أكبر من النسوية.
الإنسانية أكبر من النسوية.
الإنسانية أكبر من النسوية.

واوعى تفتكرى إنى واعظ أو كلامى عن واعز دينى ,أنا شغال على  شواية فى جهنم أصلا.

ليست هناك تعليقات: