الجمعة، 15 أغسطس، 2014

البيض والبيض المضاد

1
نحن لا نزرع البيض
2
سوء الظن يدفع الكثير من المصريين هذه الأيام إلى وصف كل من يدافع عن ضحايا مجزرة رابعة العدوية 2013 بالإخوانجى ولكن الشعرة التى تفصل بين الحقيقة والوهم لاتزال باقية عن قرائى,وقرائى فقط,أنتم يامن تركتم كل لذيذ وشهى وفرضتم على نفسكم ورقة من جريدة أو صفحة من موقع إيكترونى تضم بين سطورها كلماتى.
صحيح أن الصراع فى رابعة كان صراعا واضحا حول السلطة ولكن أكل العيش يحب الخفية,فلو حددنا مواضع الخلاف لم تنتدبنا الجرائد لكتابة المقالات وعلى الجانب الآخر سيهتك المجلس العسكرى أو لنقل اختصارا:السيسى-طويل العمر يطول عمره يزهز عصره وينصره على مين يعاديه هاى هىء-لتتضح الصورة .
لنقل أنننا ندافع عن إنسانية الآلاف من البشر التى هدرت فى اعتصامى رابعة والنهضة..سيقول المرجفون :حرى بمن يدافع عن الإنسانية أن يشغل باله أولا بالفقراء لا بمن يتلقون المليارات من الخارج باسم الدعوة والدفاع عن الإسلام..وائل جمعة كان بياخد 3 مليون جنيه بس وبياكل أى مهاجم يعدى نص الملعب.
2
-الله يخربيتك ياعبدالناصر
*يابن الكلب عبدالناصر مات من 44 سنة
-مش هو اللى جاب السيسى؟
*يابنى السيسى كان لسه بيلعب فى البيبى بتاعه أيام عبدالناصر
-يبقى هو اللى جاب مرسى
*ينعل أبو المدرسة اللى علمتك
-أيوه انثبت عندك..المدرسة دى من سوءات عبدالناصر
3
عاجل
وزارة الكهربا:سيتم قطع الكهرباء ساعتين يوميا لتخفيف الأحمال.
مرسى:الواد اللى بلياخد 20 جنيه ويفصل السكينة هو اللى بيقطعها.
السيسى:لازم كلنا نشيل بعض..إنتو هتاكلو مصر؟
عاجل
إسرائيل تواصل غاراتها على قطاع غزة وتوقع مئات القتلى.
مرسى:نعمل هدنة.
السيسى:نعمل هدنة
عاجل
ارتفاع أسعار البنزين 
مرسى:هنعديها بالحب
السيسى:إنتوا مش بتحبوا مصر ولا إيه؟
4
حمين صباحى كومبارس
5
 أحد اجتماعات شباب الثورة السرية فى مقهى بوسط البلد
محمد:إحنا ندعو لمظاهرات جديدة
علاء:ونجيب نسوان
حسين:ولازم ناخد المسألة دى حياة أو موت المرة دى
علاء:ونجيب نسوان
كمال:ونفضل ورا مطالبنا لحد آخر نفس
علاء:ونجيب نسوان
 وليد:بس لازم نشوف مصدر تمويل نعتمد عليه..الشغل فى الشارع محتاج فلوس
علاء:فلوس ونسوان
خالد:والبرامج والفضائيات لازم ننتشر فيها بشكل مكثف اليومين الجايين
علاء:أهى بالذات لازم نجيب فيها نسوان
6
عراةً خُلقنا
وعشنا عراة
عراةً حيينا
ومتنا عراة
ولم أدر شيئا
ولم يدر شيئا
عما أمامه
وعما وراه
"شاعر الثورة"

7

في لقاء سابق ببرنامج "تحيا مصر" على قناة "المحور" ويقدمه الإعلامي تامر أمين، أشار فيه صالح إلى أنه في يوم العاشر من رمضان، السادس من أكتوبر عام 1973 كان شابًا في العام الأول من المرحلة الجامعية، وتحديدًا في الساعة الثانية والخمس دقائق كان يتناول الغذاء مع صديق له، وعندما سمع البيان، بعبور القوات المسلحة قناة السويس بكى من شدة التأثر. 


من جريدة الوطن

 8
العموقية مسئولية
9
أيتها الحرية 
أين أنتِ؟
حلوة ياختى؟
ولا إيه؟
الفلوس فى الدرج خلصت
والحساب فى إيدى أهوه
بالجنيه
لسه ناقص أرنبين
حق برنامج هوا
وحق ندوة وكتابين
 10
أينعم الرقم المجهول فى كل المعادلات المطروحة على الساحة السياسية هو الشعب.ولكن..فليظل مجهولا حفاظا على سير المعادلات فى اتجاه الاستنطاع والاستهبال حفاظا على أمن الوطن وسلامة أراضيه؟.
11 
60 سنة عسكر
12
ياسلام على صور شوارع مصر فى عهد الملك فاروق.جنة يا إخوتى جنة.
13
عزيزى شيمون بيريز..صديقك الوفى محمد مرسى
14
13-13-2013
15
-هات كده يابنى على الجزيرة مباشر
*مفيش مظاهرات النهارده ياحج
-يابنى اسمع الكلام
*مفيش محاكمات النهارده ياحج
-يووووووووه اخلص يقى
*هيحفروا قناة سويس تالتة يعنى ولا إيه؟
-ياض بطل غباوة
*قول فيه إيه الأول
-الوزير عمر سليمان طالع يخطب فى الشعب دللوقتى

ليست هناك تعليقات: